ღვინო

გორული მწვანე არის უნიკალური თვისებების მქონე ქართლის რეგიონის ტრადიციული თეთრი ყურძნის ჯიში, მოყვანილი მუხრანის ველზე. ღია ჩალისფერი მშრალი ღვინო, მომწვანო ელფერით. ხასიათდება საკმაოდ ინტენსიური არომატებით. მკვეთრად არის გამოხატული ეგზოტიკური ხილის, ანანასის ტონები, რასაც სასიამოვნოდ ერწყმის ლიმონის და ფეიხოას არომატიც. ღვინო ხასიათდება საშუალო მჟავიანობით. მუხის კასრში დავარგება სძენს ხასიათს, რაც მის ხანგრძლივ დაბოლოებასა და დაბალანსებულ გემოში გამოიხატება.

სუფრის წითელი, ნახევრადტკბილი ღვინო ოჯალეში დამზადებულია ლეჩხუმში, ორბელის მიკრორაიონში გაშენებული ოჯალეშის ჯიშის რჩეული ყურძნისაგან. ხასიათდება მუქი ლალისფერი შეფერილობით.

ნახევრად ტკბილი წითელი ღვინო ოჯალეში, დამზადებულია ოჯალეშის ვაზის ჯიშისგან, რომელიც მოყვანილია სამეგრელოს რეგიონში. ღვინო ხასიათდება ღია ლალისფერი შეფერილობით; სასიამოვნო არომატთან ერთად მკვეთრად არის გამოხატული მაყვლის ტონები.

რქაწითელის ყურძნის ჯიშისგან დამზადებული ღია ჩალისფერი, მშრალი ღვინო მოყვანილი ზღვის დონიდან 700 მეტრზე. ხასიათდება კარგად გამოხატული მსხლის,ნესვისა და მანგოს მდგრადი არომატებით. გემოზე სასიამოვნოდ მჟავიანია და გამოირჩევა ხანგრძლივი დაბოლოებით.  

ეს კლასიკური წითელი ღვინო დამზადებულია კახეთში მოკრეფილი საფერავის ჯიშის ყურძნისგან. ღვინო ხასიათდება ბროწეულის ფერით და კარგი სხივით. გამოირჩევა წითელი ხილის, კენკრის და ალუბლის დახვეწილი არომატებით.